Ad Anna Pane

                                       Ad Anna Pane….

 

Facette justo ‘ntiempo a te vedè

quanno passaste currenno

ca me ncantaie.

Quanno turnaste arreto

ire ancora una ca curreva

ma ca restave bella

comme si tu.

 

Nun te sciuglieve ‘o sole

cu chillu surore

ca sta ‘ncuollo a ll’ate.

Io te vedette

comme ‘a Mmaculata

ca tene voglia ‘e fà

e ‘o fà cuntenta

ca ll’anema ca tiene

è ‘a cchiù nnucente

pe chello ca faie tu.

 

Certe chi guarde a te

e se ne ‘nnammore

nun fà ‘e sforze

ca faie tu currenno

e io me fermo ogni tanto

‘ncopp’a custiera

pe vederte passà

proprio comme aiere

ca se schiaraie ‘o cielo

e ‘o viento ca saglieva

a 'vascio ‘o mare

turnaie arreto

invece  'e jì p''e cuolle

e nzieme ‘a te

se mettette a correre

pe t’appassà nu poco

c’annante ero ‘o stesso

pe cchè tu si

comme a nu percuoco

spaccariello

ca quanno ‘o miette ‘mmocca

se sente ‘o ddoce

‘e quanno isso te tocca

e t’accarezza. pe te fa arrefiscà

almeno chellu ppoco ca p''o fà isso.

 

Gioacchino Ruocco

Ostia Lido 13.09.2021  . h 18.25