Quanno me mette a leggere......

Quanno me mette a leggere

nun poco facebook

sento ca tu allucche

comme a nu ciuccio o arraglie

ca quanno parle chiano

‘ncacaglie o ‘ntartaglie,

nun dice na parola

comme vene scritta.

Veco ca facite na ‘mmuina

pe vi piglià  ognuno na parrocchia,

ma si ‘e parrucchiane

metteno ‘a capa apposta

sai che sparpeto

sarrà ‘a vita vosta

c’’a nu mumento a n’ato

avite perzo ‘o posto.

Parite tutte quante

patrune ‘e chistu munno

‘a quanno vace a funno

pecchè vuie ce lucrate

o cu ll’amice o cu na maniate

‘e ggente comme a vuie

ca pe nun sapé che ddice

‘o ddice ciento vote

e ce ‘o mettite ‘ncunto

fino a ca ‘n apparate

tutt’’e fatte vuoste

dopodi che facite

pure ‘a sceneggiate

ca si ‘un ce stà bbuone

pigliate e ve ne jate…

Ma nun ve basta proprio…?

Gioacchino Ruocco

Ostia Lido              04.12.019

Dedicata a quelli che comandano....