Ȃ ll’urdema mez’ora…

 

Ȃ ll’urdema mez’ora che vuò fa ?

E’ avuto tantu tiempo

‘e sta cu ‘e mmane mmane

ca si tagliave pane

o comme ȃ nu ciuccio arragliave

chi sa che succedeva ?

 

Ma po’ sarrà overo

chello ca tu dice

ca sempe felice t’aggio visto

e ȃ dà curaggio

ȃ chi nun ne teneva ?

 

Attuorno sempe amice

ca si zappave

qualcuno raccuglieva

appriesso  appriesso

senza lasciarne una dint’’o surco.

 

E’ over o ca credive ‘o Pataturco

ca nun se magna ‘o puorco

tante tutt’’e ddie

songo ‘o stesso

ma è sempe ditto

ca tu vuò bbene ȃ tutte

e nun te tire arreto

manco p’’o cuntrario

restanno sempe ȃ ll’aria

c’’o belle e ‘o maletiempo

 

E daie e daie  senza maie di ȃ craie,

senza  ȃ guardà chi te sta cercanno

p’avè n’aiuto ȃ te.

Si frate ȃ tutte quante, si patre, si nepote

basta ca gire ‘a rota e ll’acqua arriva

pure  ȃ chi nun tene ‘a forza ‘e cammenà.

 

Che ce pozzo fà

si  è accussi ‘o fatto.

So frate ȃ jatta

e songo sora ȃ ‘o ciuccio

ca ‘e vvote faccio io pure

ma tu, tu nun te scucce,

ca simmo uguale

tale e quale

ca parimme ‘e stesse, e cu n’ombra sola

pe na via ca sulo nuie facimme

senza cunnimma

e sulo cu nu sguadro

ca ‘o riesto ‘o llardo ‘o damme

sempe ȃ ll’ate

ca ate ggente  restano a campà.

 

Ostia Lido   07.06.2021 h 21.00

 

Gioacchino Ruocco